ՀՌԿԿ Տվյալների հավաքագրման նախաձեռնություն
Տվյալները հասարակագիտական հետազոտությունների համար խիստ կարևոր են, սակայն Հարավային Կովկասում դեռևս սակավ են սոցիալական, քաղաքական և տնտեսական հիմնախնդիրներին վերաբերող արժանահավատ, թարմ և մատչելի տվյալները: Վստահելի տվյալների հասանելիության ապահովումը Հետազոտական ռեսուրսների կովկասյան կենտրոնների (ՀՌԿԿ) ծրագրային առաջնահերթություններից է: Առկա տվյալների բազաների կենտրոնակայանի գործառույթից զատ, ՀՌԿԿ կենտրոնները ֆինանսավորում և իրականացնում են Հարավային Կովկասում սոցիալական, տնտեսական և քաղաքական բազմաթիվ երևույթների վերաբերյալ տվյալների հավաքագրման աշխատանքներ:
Տարածաշրջանում սոցիալ-տնտեսական գործընթացների միջերկրային համադրելիությունը ապահովելուն հետամուտ, կենտրոնները 2003թ. աշնանից ձեռնամուխ են եղել տվյալների համագործակցված հավաքագրման ծրագրին` նպատակ ունենալով ստանալ արժանահավատ ու համեմատելի տվյալներ Հարավային Կովկասում տնային տնտեսությունների տեղեկացվածության, դիրքորոշումների, վարքագծի և այլնի վերաբերյալ:
Հայաստանի, Ադրբեջանի և Վրաստանի ՀՌԿԿ կենտրոններն իրականացնում են տարածաշրջանի մասին ամենամյա տվյալների հավաքագրումը 2004թ.-ից ի վեր: Եթե 2004թ. հետազոտությունն անցկացվել է միայն հարավկովկասյան հանրապետությունների մայրաքաղաքներում, իսկ 2005թ.-ին յուրաքանչյուր երկրի մայրաքաղաքներից բացի ընդգրկել նաև մեկական շրջան, ապա 2006թ. հետո այն եղել է համազգային` ներառելով ինչպես նշված երկրների մայրաքաղաքները, այնպես էլ մյուս քաղաքային և գյուղական բնակավայրերը:
Որպես այս ծրագրի բաղկացուցիչ մաս, հավաքագրված տվյալների վերլուծության համար ՀՌԿԿ-ն հետազոտողներին տրամադրում է դրամաշնորհներ, համապատասխան խորհրդատվություն և դասընթացների մասնակցելու հնարավորություն:
Հարցման գործիքներըը` հարցաթերթերը, ցուցադրաքարտերը, ընտրանքի մեթոդաբանության մանրամասն նկարագրությունը, հավաքագրված տվյալների բազաները (SPSS ֆորմատով) և դրանց վերլուծության որոշ նախնական արդյունքներ տեղակայված են ՀՌԿԿ տարածաշրջանային վեբկայքում` www.crrccenters.org հասցեով:
| 
Կենտրոնի մասին
Ծրագրեր և ծառայություններ
