Կուտակելով ավելի քան 23 տարվա փորձ՝ հիմնադրամը հետազոտողներին, կառավարություններին, դոնորներին, ՀԿ-ներին, մասնավոր հատվածի գործիչներին և լայն հանրությանը տրամադրում է հուսալի տվյալներ և Հայաստանն ու Կովկասյան տարածաշրջանը ձևավորող կարևոր միտումների մանրակրկիտ վերլուծություն: Մեր աշխատանքը ներառում է հետազոտություններ, համայնքների կառուցում, կարողությունների զարգացում և գաղափարների գեներացում, որոնք հիմնված են փորձարկված մեթոդաբանությունների և սոցիալապես արդիական մոտեցումների վրա։Ավելի քան երկու տասնամյակի գործունեության ընթացքում ՀՌԿԿ-Հայաստան հիմնադրամն իրականացրել է 150+ հետազոտական և կարողությունների զարգացման նախագծեր՝ ստեղծելով ավելի քան 500 ԳԲ տվյալներ և զգալիորեն նպաստելով Հայաստանում տվյալահեն քաղաքականության մշակույթին։ Հիմնադրամը ներգրավել է ավելի քան 300 կրթաթոշակառուների, գիտնականների, փորձնակների և կամավորների՝ նրանց համար ապահովելով հմտությունների զարգացման, ցանցային կապերի հաստատման և գիտելիքների փոխանակման հնարավորություններ։ Մեր ազդեցությունը տարածվում է թեմատիկ լայն շրջանակի վրա, ներառյալ կրթությունը, առողջությունը և ապահով կյանքը, գենդերը և սեռականությունը, կառավարումը և հանրային քաղաքականությունը, տնտեսությունն ու միգրացիան, խաղաղությունը և կոնֆլիկտները, երիտասարդությունը, մշակույթը և ինքնությունը, միջավայրը և տարածությունը, տեխնոլոգիաները, սոցիալական պաշտպանությունը և բարեկեցությունը, զարգացումը, մեդիան և հաղորդակցությունը։
2025 թվականի դրությամբ հիմնադրամը Հայաստանում հասարակագիտական հետազոտությունների և հետազոտական կարողությունների զարգացման անկյունաքարային կառույց է և Հարավային Կովկասում տվյալահեն գիտելիքները խթանող առաջատար տարածաշրջանային հաստատություն։ ՀՌԿԿ-Հայաստանի ինստիտուցիոնալ կայունությունը և անընդհատ վերաձևավորվող ֆինանսավորման լանդշաֆտի նկատմամբ դիմադրողականությունը վկայում են դոնորների և գործընկերների կողմից մեզ տրված վստահության, ինչպես նաև փոփոխվող համատեքստերում հարմարվելու, նորարարություններ անելու և սովորելու մեր ունակության մասին։ Հիմնադրամի անկախությունը, ժողովրդավարական արժեքներին նվիրվածությունը, բարձր էթիկական գործունեությունը և թափանցիկ կառավարումը, որոնք հենված են գործընթացների կառավարման խելացի ենթակառուցվածքի վրա, ընդգծում են մեր կարևորությունը հատկապես անկայունության և քաղաքացիական տարածքի նեղացման դարաշրջանում, որտեղ անկախ հետազոտությունների ձայնը երբեք ավելի կենսական չէր կարող լինել։