Օրեր՝    6 – 10 հուլիս, 2015 Վայր՝    Երևան, ՀՀ Կազմակերպիչ՝     ՀՌԿԿ-Հայաստան Օրակարգ՝    ներբեռնել Լեզու՝     Հայերեն

 

ՀՌԿԿ-Հայաստանը, կարևորելով Հայաստանում հասարակագիտական հետազոտությունների ոլորտում բարձրորակ քանակական հետազոտության մեթոդաբանության կիրառությունը, նախաձեռնում է ամառային դպրոց` ոլորտի մասնագետների ներգրավմամբ: Միջոցառման ծրագիրը ներառում է քանակական հետազոտության մեթոդաբանությանն առնչվող տարբեր թեմաներ, այդ թվում հետազոտության նախագծում, հետազոտական հարցերի և հիպոթեզների ձևակերպում, ընտրանքի և հարցաթերթի ձևավորում, դաշտային աշխատանքի իրականացում, տվյալների վերլուծություն և այլն: Դպրոցի նպատակը մասնակիցների տեսական գիտելիքների և գործնական հմտությունների զարգացումն է քանակական հետազոտության տարբեր փուլերում:

Ասպիրանտեր, կրտսեր հետազոտողներ և դասախոսներ, երիտասարդ մասնագետներ, ովքեր հետաքրքրված են քանակական հետազոտությունների մեթոդաբանությամբ:

Ամառային դպրոցին կարող են մասնակցել տվյալ թեմայով հետաքրքրված բոլոր ցանկացողները: Դիմորդները պետք է ունենան հասարակագիտական կրթություն, որոշակի սոցիոլոգիական գիտելիքներ և համակարգչային հմտություններ:

Ամառային դպրոցի աշխատանքային լեզուն հայերենն է: Անգլերեն լեզվի իմացությունը խիստ ցանկալի է` անգլերենով տրամադրվող գրականության և նյութերի յուրացման համար: Ամառային դպրոցի դասերն անցկացվելու են համակարգչի միջոցով, և յուրաքանչյուր մասնակից պետք է իր հետ բերի անձնական օգտագործման համակարգիչ:

Դիմումներն ընդունվում են առցանց և կդիտարկվեն մրցակցային սկզբունքով: Բոլոր դիմորդները կգնահատվեն ՀՌԿԿ-Հայաստանի գնահատման համակարգով: Ամառային դպրոցի մասնակցության հնարավորություն կստանա 15 դիմորդ:

Ամառային դպրոցը հաջողությամբ ավարտած մասնակիցներին կտրվեն հավաստագրեր:

Ամառային դպրոցը տևելու է 5 օր, գնահատումն ու ամփոփումը տեղի կունենան վերջին օրվա ընթացքում:

Եթե հետաքրքրված եք ամառային դպրոցով, և կարող եք դրան հատկացնել պահանջվող ժամանակ, խնդրում ենք լրացնել հայտադիմումի ձևը: Հայտերն ընդունվում են մինչև 2015թ. հունիսի 10-ը, ժամը 17:00:

Հավելյալ տեղեկություններ ստանալու համար գրեք [email protected] էլ. հասեցով: