Նպատակը
Ծրագրի նպատակն է բարձրացնել մաքսային վարչարարության արդյունավետությունը ընտրված միջամտությունների միջոցով և բարելավել կարողություններն ու վարչական ընթացակարգերը: Արդյունքները կօգտագործվեն կառավարության պաշտոնյաներին տեղեկացնելու, պետական-մասնավոր դիսկուրսի սևեռակետ ապահովելու և մաքսային ոլորտում ապագա գործունեության և ռազմավարության հիմնական տարրերի նախագծումն ուղղորդելու համար: Հարցման հիմնական հասցեատերը Պետական եկամուտների կոմիտեն է՝ Մաքսային վարչարարության զարգացման ծրագրի շրջանակներում Համաշխարհային բանկի հայաստանյան գրասենյակի համար խորհրդատվական ծառայության շրջանակներում: Նպատակի իրականացումը հիմնված կլինի հետևյալ արդյունքների վրա. 1. Մաքսային վարչարարության ուժեղացած ընթացակարգեր, 2. Արդիականացված ՏՀՏ համակարգ, 3. Ընդլայնված վերլուծական կարողություն:
Գործողություններ
Հարցման շրջանակում իրականացվել են շուրջ 600 հարցազրույցներ (հարցվածների առնվազն 30 տոկոսը կանայք են) և հինգ ֆոկուսխմբային քննարկում՝ շուրջ 55 մասնակցով:
- Հետազոտության մեթոդաբանական գործիքների մշակում
- Հարցաթերթիկների մշակում և փորձարկում
- Ընտրանքի ձևավորում
- Հարցաթերթի վերանայում և վերջնականացում
- Հարցազրուցավարների ուսուցում դաշտային աշխատանքի համար
- Տվյալների առաջնային մշակում, վերլուծություն և զեկույցի պատրաստում
- Ֆոկուսխմբային քննարկումներ, կոդավորում և զեկույցի համադրում