Այս զեկույցն ընդգրկում է ԱՄՆ ՄԶԳ աջակցությամբ իրականացվող «Հայաստանի բարեվարքության ծրագրի» (AIP) շրջանակներում Հայաստանի Հանրապետության 1520 տնային տնտեսություններում 2021թ. հոկտեմբեր-նոյեմբեր ամիսներին անցկացված՝ կոռուպցիայի վերաբերյալ հանրային կարծիքի հետազոտության հիմնական արդյունքները: Տվյալների հավաքագրումն իրականացվել է CAPI համակարգով գործող դյուրակիր սարքերով դեմառդեմ հարցազրույցների միջոցով։ Հետազոտության նպատակը ՀՀ բնակիչների շրջանում կոռուպցիայի վերաբերյալ ընկալումների բացահայտումն է: Համեմատության համար որոշ դեպքերում զեկույցում օգտագործվել են նաև 2019, 2008-2010 թթ. անցկացված համանման հարցումների արդյունքները: